月初(3號)播出嘅一集《今晚玩李》(其實呢個《今晚X你》系列幾時會完？)李思捷整蠱坤哥吳業坤，話賀坤哥奪得《勁歌》新人王，但一開始李思捷就扮黑面，跟手豹哥單立文就拎咗支聲稱好有紀念價值嘅結他出嚟叫坤哥彈，點知坤哥一掂到，個結他就裂開咗，搞到坤哥塊面青晒，仲鞠躬同豹哥講對唔住!(新聞連結: http://bit.ly/1mO2Mb9 )

事後網民對李思捷咁樣整蠱坤哥頗有意見，坤哥fans就更加寸爆李思捷：「看完個節目，我更加唔鍾意李思捷。」事後坤哥就話：「始終佢哋係前輩，咩情況都要沉住氣，其他都唔方便再回應。希望fans當一個節目咁睇啦!」

李思捷同豹哥今日喺九龍灣出席活動，講番整蠱坤哥單嘢，豹哥解釋:「整蠱節目玩人要盡啲，每人都有fans，如果我地玩得唔盡，我地啲fans都不滿我地。」

至於李思捷就話:「做節目只求觀眾有讚，坤哥贏咗，冇人笑我哋先失敗。」

對於網民矛頭直指李思捷乞人憎，佢就話:「唔緊要，最重要有反應。坤哥好正，好sweet，佢係冇做錯，佢好大方saysorry贏晒。」

咁日後請嘉賓上節目會否擔心因為咁有難度？兩人就表示：「唔係蝦，反而加咗分，好多人讚佢。做節目說服唔到人同整蠱唔到人就係我哋唔成功。」