一向同富二代、商界行得好埋嘅世界自然基金會香港分會（WWF），佢哋嘅行政總裁（CEO）顧志翔突然唔撈，惹嚟唔少猜測，最近仲流傳接捧嗰位CEO係放緊退休前休假嘅警察高層PeterCornthwaite（江偉智）！

有環團中人透露，前CEO顧志翔喺WWF返咗4年工，籌款能力仲好高、幫公司開拓唔少「財源」，成功令WWF轉虧為盈。據知顧志翔份合約去到本月中，但唔知點解佢上個月底就提早走人。

眾所周知，做得環團管理層，除咗要識搵錢，仲要多方面了解環境問題；至於新任嘅CEO江偉智，點解會畀WWF睇中、有咩保育經驗？拭目以待嘞！