政府原定今日在立法會為《逃犯條例》恢復二讀辯論，大批巿民自發到金鐘「野餐」表示反修定，不少藝人均表示支持，其中王宗堯更來回金鐘，傳送物資，希望盡一份力。

當然，有人反政府，亦有支持的一派，當中以能操韓語「起朵」的宋芝齡。她今日在IG中貼出新聞圖，當時的畫面是警方手持盾牌對抗示威者的場面，宋芝齡留言說：「Bravo, HK Police!!」此post一出，隨即吸引不少網民熱烈回應。

當中有不少人諷刺宋芝齡是「奀星」、「紅唔起」，對一般藝人來說，這些評語多少有點hurt，但宋芝齡也不是省油的燈，別忘了年屆40的她，於1996年參選港姐落選後，多年來星途平平，只在大台播出外購劇《大長今》時掀起的一陣韓風，讓宋芝齡以中韓混血兒身份，兼能操韓語的理由，才讓更多觀眾對此號人物有認知。

被網民笑「奀星」，宋芝齡回應說「奀咗好耐啦」，而網民亦follow說「你知就好啦，幾驚你唔知。」亦有網民認為宋芝齡的言論是博出位，留言說：「就係奀咁耐，要出位囉！」更有人指宋芝齡的言行，是為了刷存在感。而有言論較激進的網民，直接爆粗鬧宋芝齡，甚至乎「問候」宋媽媽，眼見母親被侮辱，宋芝齡未為母親護航，反而邀請網民的媽媽「加入」，博得其他網民都齊聲譴責宋芝齡指「其實你知唔知香港發生咩事？就算市民手上無持任何攻擊性武器，按秩序、守望相助咁遊行都好，差佬濫權單方面十個圍一個手無寸鐵嘅市民，唔俾佢哋走，圍毆佢哋，借啲意兜頭兜面噴胡椒噴霧、搵槍射佢哋！！！就算一個後生仔佢只係送物資，送箱水去支援都俾班差佬老屈佢收埋武器！！！！有好多嘢發生咗但你公司選擇性報導！！！！其實你公司真係洗咗你腦你自己唔知！！！」「冷血！」「咁X冷血都講得出 ，係唔X係人呀？」「我真係唔明，你都身為香港人，你好幫唔幫幫黑警？」「做得CCTVB太耐，被洗腦，連自我思考都冇，可憐。」「你都好bravo，一個post可以激嬲全港百萬人。」

宋芝齡今日在IG留言：「Bravo,HK police!」惹來與網民罵戰。宋芝齡今日回覆傳媒時說：「其實我都係支持反修例，因為近年香港經濟各方面都好亂，又有貿易戰，係咪要喺呢個時間去修例？我唔係政治家，只係想香港靜番啲。我話bravo，係覺得終於可以清場，唔使見到幾年前嘅佔中氣氛咁緊張啫，但從來冇評論過贊成警察開槍。寫少好多隻字，引起咁大迴響，係唔好意思。但係留言嘅時候，少啲粗口字會比較好啲。」

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9