唔少人都有啲難堪嘅往事，好似日劇界當紅姐仔北川景子咁，自從上位之後，就唔願再提曾經拍過真人版《美少女戰士》，當年佢喺劇集入面飾演火野麗，為咗滿足一班宅男觀眾，北川景子有唔少打到露底嘅場面，由於呢套真人版《美少女戰士》曾經被封膠劇，加上播出嗰陣又收視慘淡，所以北川景子紅咗自然唔想重提呢段「黑歷史」囉！

趁全新動畫版《美少女戰士Crystal》今個月開播，令SailorMoon熱潮捲土重來，而北川同木村拓哉套新劇《律政英雄2》收視報捷，暫時以26.5%成為今年最高收日劇，搞到好多人要上網重溫呢套真人版《美少女戰士》，反而令北川吸納多一班fans支持。