【演李鍾碩保鑣】《W》上位! 李泰煥襲台反拍粉絲
李泰煥《爸爸,我來伺候你》《W》
不時下雨,但唔算好影響拍攝工作(台灣蘋果日報圖片)
由「微笑王子」金載沅、李水京、李泰煥等人主演嘅MBC新劇《爸爸,我來伺候你》將於11月首播,佢哋今次就拉大隊去台灣進行拍攝,當中近日有份出演人氣韓劇《W》嘅李泰煥噚日率先抵台進行拍攝。
李泰煥喺《W》中飾演李鍾碩嘅保鑣同埋格鬥老師,對李鍾碩有情有義,令人留下深刻印象。今日李泰煥就現身大溪老街拍攝坐計程車嘅戲份,由於有有颱台「梅姬」襲台,所以現場不時下起雨來,令到拍出嚟嘅效果唔係太好,同時亦搞到李泰煥要連續拍咗2次先完全戲份。
唔少粉絲都聞風而至,趕到現場見Oppa,不過粉絲就被工作人員隔開,只能遠遠睇Oppa。之後李泰煥喺劇組人員陪同下,就由大馬路行到老街裡嘅福仁宮食晏,而現場追星族亦不斷增加,由早上嘅10多名粉絲增加到50幾人。
李泰煥喺劇中飾演「STAR K CONTENTS」本部長,負責評估來自世界各國嘅劇本,被稱為天才。李泰煥拍攝時因為有唔少粉絲喺店前等候,所以工作人員就安排佢去2樓位置避開粉絲,不過佢離開前就拿出手機反拍粉絲作為留念,令門外粉絲即時尖叫。
據知劇組今日向桃園市政府相關單位申請咗交通管制措施,喺大溪老街和平路、大溪市場道路、慈康觀光陸橋等地進行拍攝,將以拍攝3分鐘、開放公共交通車輛行駛10分鐘嘅方式進行。