韓劇《主君的太陽》男星蘇志燮孖孫藝珍主演嘅新片《現在很想見你》，本月14號白色情人節喺韓國開畫，兩人事隔十多年後再合作，喺票房上亦得到好成績。

《現在很想見你》喺韓國累計觀影人次已逾160萬名觀眾，由於得到觀眾嘅熱愛，蘇志燮同孫藝珍今日就聯同片中乖仔喺十里進行舞台問候，感謝觀眾對電影嘅支持。而已屆適婚年齡嘅40歲蘇志燮仲父愛爆棚，對片中飾演佢乖仔嘅小演員金志煥照顧有加，拖住佢上台之餘，全程呵護備至。

另外，喺一項3月份嘅電影演員品牌評價嘅調查中，孫藝珍撼贏一眾男星，獲選為冠軍，而亞軍為電影拍檔蘇志燮，季軍則為孔劉。

更多韓流，喺晒《娛果》
http://fb.com/appledailyent