黃翊今晚獲邀到觀塘舉行「唱給最愛的你」 Vie Simple Online Music Live。唱足個半鐘的黃翊，指疫情下近半年，每星期也有在家中開live。黃翊指本來在Live中教手工藝或製作小玩意，誰知不少網友卻不太受落，要他們專注唱歌便好，黃翊笑言：「真係好傷心，唯有專心唱歌啦！」黃翊又指原定有3個Live Show，因疫情而要取消，他說：「本身12月好旺嘅，點知第4波疫情殺埋嚟，之前有Musician懷疑有事，所以有3個騷都叫停先，疫情緊要，要小心啲。」他又直言近半年開Live，包括今次也沒有半分酬勞。

明天便是平安夜，黃翊將與家人在屋企度過，他說：「我最鍾意嘅節日係聖誕節，氣氛好好，今個聖誕就好悶，不過我住新界，都會同個仔去做吓運動，行吓山幫佢Keep Fit，太太唔會去，因為佢長期病患，疫情下更加唔適宜周圍去，不過佢都有出街嘅，仲會揸電單車去買嘢，OK嘅，唔好去人多嘅地方。」

提到大排檔與餐廳的生意，黃翊直言疫情下做食肆很艱難：「大排檔原本只係做夜市，而家冇可能做，外賣又唔會幫襯我哋，因為要照顧班伙記，而家變咗做上午到3點收檔，一定要蝕㗎嘞；茶餐廳都托賴，因為原本都係做上午7點至6點，唔好諗賺錢，營運到都已經好好。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！