日本女星吉高由里子上年主演NHK電視台早晨劇集《花子與Ann》，更擔任《紅白大賽》司儀，本來工作順利，但踏入今年，佢完全唔見影，之前一直有傳佢同搖滾樂隊RADWIMPS主音野田洋次郎分手，加上同佢關係極好嘅經理人辭職，令佢受雙重打擊，精神狀況麻麻所以暫停工作。而日前吉高同圈中老友森Kanna夜蒲，森Kanna噚日將夜蒲照片同短片放上網，吉高似係飲醉酒！

喺森Kanna喺Instagram上載嘅照片同短片當中，背景似係餐廳之類，片段中見到吉高冇乜化妝，而且眼神有啲迷糊，似係飲醉酒，佢兩個仲語無倫次，吉高又不停咀森Kanna，後來仲有張黑白相，吉高張大口咬落森Kanna塊面度，真係儍得緊要，之後吉高又喺Twitter度自爆玩通頂㖭。