政改即將表決，「梁粉」恒隆地產主席陳啟宗出席論壇後，被問到政改若不通過會否影響商界投資，或令人對香港失去信心，他認為今次通過與否，香港營商環境仍會向好，「冇乜大不了，香港會繼續繁榮，我對香港嘅繁榮比較有信心」。至於政改後社會會否更撕裂，他說：「有啲人話會更多撕裂社會，咁你大概對民主社會唔係咁認識，民主社會就係撕裂社會，51對49，你話撕唔撕裂呀？一係就唔好要民主啫，要親就係撕裂社會架啦」。

陳啟宗強調政改方案最好獲得通過，若不通過「天唔會跌落嚟嘅」，也非世界末日，「最好通過啦，通唔過咪通唔過，冇辦法」。他又笑言：「個女仔話唔嫁畀你，佢唔嫁都冇辦法，唔好自殺呀，仲有好多好女仔，以後再睇囉，唔係咁大件事，再睇啦，一步一步行」。

對於3大政改民調指支持及反對比率相若，他指「其實唔係在乎民調結果，決定根本唔喺佢哋(泛民)手上」，並聲言除了香港市民，還有「其他因素」影響結果，「有啲嘢講得太白就唔係幾好，有啲大家明就得」。

他指現時講政改方案如未獲通過誰最需要負最大責任「冇乜意思」，「等佢哋決定咗再講」。有指若政改方案不通過，特首梁振英很大機會連任，被問到屆時是否仍支持梁振英，「呢個係假設性問題，現階段講冇乜意思」。

他在論壇上又批評，立法會有人為反對而反對，在議會裏不講道理、不講事實，「你係姓梁、你係政府就唔like你」，又指有無知政客「搞大咗」，認為港珠澳大橋被人司法覆核，因此出現延誤，增加多60億元開支。