個別馬匹跑泥地夜賽特別生猛，與幕後部署有一定關係，徐廐「龍城動力」正係典型例子。此駒歷來三次出戰同類賽日，三次都係跑泥地短途，結果攞到一冠一季一殿，證明唔係事有湊巧，而係幕後吼準時機出擊。今次全泥夜宴又有佢份，六歲馬列陣第七場三班千二，泥地累積冠亞季各一全跑同班同程，上個月尾試完泥閘，上周四再彈埋草閘至跑，睇嚟幕後決心好大。