【阿媽狂播】台灣人劉子碩出廣東歌 獨闖香港樂壇做新人
蘋果日報 2019/10/16 15:19
馬浚偉劉子碩
- 來自台灣的新人劉子碩，今日到到新城電台宣傳新歌《離開有甚麼可怕》。
- 他說：「原本我諗住大家嘅評語會好差，可能會話我廣東話都講唔正，但好彩大部份嘅留言都係讚我用心去唱，所以好開心。」
- 早前馬仔宣佈將演唱會時間稍為調動，「我相信大家都明白，唔少觀眾都覺呢個安排幾好。」
- 馬仔表示到時演唱會場外將會售賣「抗癌歌手」李明蔚的唱片、書籍和手作物。
- 馬仔又表示早前已聯絡上剛被大台不獲續約的林子博，商討合作計劃開拍的新電影。
來自台灣的新人劉子碩，今日到到新城電台宣傳新歌《離開有甚麼可怕》，他表示新歌至上月尾推出後至今反應不俗， 他說：「原本我諗住大家嘅評語會好差，可能會話我廣東話都講唔正，做咩要出廣東歌？又或者會話點解咁傻嚟香港入娛樂圈，但好彩大部份嘅留言都係讚我用心去唱，所以好開心。」
家人仍在台灣，自己隻身來港發展的他表示，在港一年努力學習廣東話，平日靠和朋友傾偈及看節目練習，新歌推出後家人亦相當支持，他說：「媽媽喺台灣開髮型屋，我新歌推出後佢每日喺舖頭不停播，又叫啲客人like我嘅page同我首歌幫我宣傳。」
另外，即將舉行演唱會的馬浚偉（馬仔）今日到新城宣傳，透露最近正積極練歌，近來香港社會的逆權運動越演越烈，早前馬仔就宣佈將演出時間稍為調動，原本周末的場次改為平日，他表示：「都要就返目前嘅交通安排，我相信大家都明白，唔少觀眾都覺呢個安排幾好。」
講到相當支持的「抗癌歌手」李明蔚，馬仔透露日前才跟對方飯聚，他說：「原來明蔚啱啱做完一個好大嘅手術，手術好成功。本來佢右眼合唔埋，而家醫生幫佢做咗塊白金片可以變番正常眨眼，食完飯後佢又嚟睇咗我練歌。」馬仔表示到時演唱會場外將會售賣明蔚的唱片、書籍和手作物：「其實一早就諗住咁做，希望可以幫到手，由我哋提供一個地方。」
馬仔又表示早前已聯絡上剛被大台不獲續約的林子博，商討合作計劃開拍的新電影，他說：「有初步同佢傾過，幕前幕後佢想做咩都冇所謂，其實我都有一個戲份幾重嘅角色，如果佢想做嘅都可以。」
採訪、攝影：曹家誠