馮仁昭四圍超：王菲中環飄移
老公息影 - 馮仁昭
蘋果日報 2011/05/12 00:00
王菲又嚟咗香港啦！噚日兩點幾佢同御用形象師TitiKwan、一中年女人同埋一名洋漢喺中環置地廣場出現，佢哋一行人入咗RogerVivier皮鞋手袋專門店，見佢係咁試高跟鞋，後嚟佢啲同伴發現有記者影相，阿菲好快咁喺店入面買咗副太陽眼鏡戴，之後試鞋都走入更衣室。
逗留半小時後，佢哋又轉去Celine時裝店揀衫，後來化妝師阿Zing都嚟埋，阿菲全程由專人服侍試衫，助手後來又攞咗四杯咖啡入嚟，搞咗約一小時後，阿菲就神秘喺舖頭失蹤，直到4點先見佢同朋友喺置地文華酒店行出嚟，成班人過咗對面英皇珠寶店睇錶，不過阿菲就全程只係陪朋友嚟揀錶，逗留一陣一班人就上咗保母車離開。記者仲喺酒店門口遇到黎姿同蒙嘉慧，佢兩個一見記者即刻分頭走。
逗留半小時後，佢哋又轉去Celine時裝店揀衫，後來化妝師阿Zing都嚟埋，阿菲全程由專人服侍試衫，助手後來又攞咗四杯咖啡入嚟，搞咗約一小時後，阿菲就神秘喺舖頭失蹤，直到4點先見佢同朋友喺置地文華酒店行出嚟，成班人過咗對面英皇珠寶店睇錶，不過阿菲就全程只係陪朋友嚟揀錶，逗留一陣一班人就上咗保母車離開。記者仲喺酒店門口遇到黎姿同蒙嘉慧，佢兩個一見記者即刻分頭走。
王菲噚日嚟咗香港，即刻去中環置地廣場掃貨。
每次返香港阿菲必定大出血，買好多衫褲鞋襪返北京。
李亞鵬如重獲新生
而阿菲老公李亞鵬成立咗春天傳媒公司，擔任董事長後，佢宣佈正式息影，為咗專心做老闆，佢仲入讀長江商學院。日前佢喺自己微博擺咗張學生證，佢喺網上話：「20年前從理工科轉入中央戲劇學院，今天又轉入長江商學院，每一次轉變都會帶來新鮮、困惑和欣喜，宛若新生。」