應采兒（丁丁）、李晨、袁姗姗同袁弘等，早排拍緊電視劇《天使的城》，袁弘呢個名可能唔係好熟，不過如果話佢係《步步驚心》入面個「十三阿哥」，就應該會記得啦，今次佢同丁丁喺新劇入面飾演一對，仲會有床上戲添！

袁弘今日凌晨就喺微博上載佢同丁丁嘅「床照」，佢仲話自己係第一次演現代戲嘅床上戲，兩張「床照」入面，一張係丁丁做番自己，成個大爺咁攬住「小鳥依人」嘅袁弘；另一張就係袁弘捉住丁丁嘅「激情」床照。

其實兩張床照一啲都唔性感，仲要係著住闊身睡衣，睇嚟呢個床上戲，都係搞笑成份居多，袁弘話：「第一次現代戲演床戲，好緊張，多虧了應采兒老師的悉心調教。」

丁丁就留言話：「陳先生應該沒看到這個。」咦……乜唔係丁丁話晒事架咩？幾時開始驚老公0架？哈哈！

而丁丁老公陳小春又忙緊咩呢？原來係同一班古惑佬陳伊健、林曉峰同謝天華聚頭開會，仲喺微博貼埋相；之後謝天華老婆Tina就留言「扮詐型」話：「做乜執肥我老公塊面？」過咗一陣，小春就回應佢話：「冇執喎，chok呀，冇事呀！」睇真張相，謝天華又真係chok得幾勁。



爛片界盛事、由本報娛樂版舉辦嘅第九屆「金話梅電影選舉」（GoldenPlum）又嚟喇！請即click入網址投票，喺香港電影金像獎舉行之前選出爛片之霸！
↓↓↓
http://campaign.appledaily.com/goldenplum