【事業線夾死蚊】按摩完堅挺啲 34D張秀文每日15分鐘護胸
張秀文34D睡裙胸部按摩
要數大台咪神級人馬,點少得34D咪神張秀文!佢最近獲邀擔任內衣品牌代言人,今日佢就喺觀塘一間影樓拍攝宣傳硬照及廣告片,著住大Deep V睡裙性感現身,胸前事業線大解放,東西半球盡現人前,張秀文透露同品牌暫時簽約一年,有六位數字酬勞,相當滿意:「今次主要係拍秋冬內衣,所以款式都會較性感,而且仲會喺短片度分享好多日常護胸健胸資訊。」咁講法,都幾令人期待春夏系列喎!
張秀文話女士要及早開始保養,首先要由揀Bra開始:「我比較著重功能性,因為平時一著晚裝就會睇到個分別,勤保養胸型睇落就唔會太自然同下垂,反而價錢貴嘅款式有時會比較花巧。」除咗內衣外,仲表示每日沖完涼都會用5至15分鐘替胸部按摩:「用手打圈按摩淋巴位,所以我都有信心自己幾堅挺。」
同時張秀文話自己偏好一啲承托力較高嘅內衣:「有時落街放狗走嚟走去,我都會選擇一啲包得好啲嘅內衣,如果唔係會揈嚟揈去,始終心口團肉係有一定嘅重量。」
精選娛聞,喺晒《娛果》
http://fb.com/appledailyent
佢會教一啲護胸健胸資訊,其中就提議大家每日用5至15分鐘替胸部按摩。
如果係放狗,就會揀啲包得好啲嘅內衣,因為兩團肉好重。