當年今日
關於我們

47民主派還柙︱林景楠楊雪盈呂智恆獲保釋離開 劉偉聰:希望大家繼續關心我哋,件事仲未完

蘋果日報 2021/03/05 22:26

楊雪盈林景楠呂智恆劉偉聰國安法

47名參與民主派初選的人士被警方控以串謀顛覆國家政權罪,其中15人昨晚(4日)獲批准保釋,惟律政司隨即申請覆核保釋決定,按照法例15人須繼續還柙,等候48小時內帶上法庭,不少家屬如呂智恆養母昨聞訊更在法院外崩潰大哭。律政司今突然放棄追擊其中4人,包括林景楠、劉偉聰、楊雪盈及呂智恆,不再覆核保釋決定,4人被帶到西九龍裁判法院,由國安法指定法官、總裁判官蘇惠德重新提醒保釋條件後,便可保釋回家。
empty
《蘋果》fb製圖
empty
獲准保釋的劉偉聰坐囚車到西九法院。本報記者攝
empty
劉偉聰在家人陪同下離開法院,他寄語眾人繼續關心事件,庭外不少支持的市民,目送他乘車離開,並向他舉起「加油」手勢。本報記者攝
empty
林景楠步離法院後,與其太太相擁,又表示自己「真係好愛我家人」。本報記者攝

劉偉聰:我唔可以講太多嘢

晚上近8時,劉偉聰辦妥保釋手續,在家人陪同下離開法院,庭外不少市民拍掌以示支持,叫他「加油!頂住!」
劉偉聰說:「好多謝多謝咁多位朋友,我知你哋日以繼夜守候,好辛苦,好擔心呢47個人。今日,我僥倖能夠有得擔保,但由於同案之中仲有好多好多其他嘅被告人,繼續申請緊擔保,我唔可以講太多嘢,我只能希望佢哋所有擔保申請都成夠能功,重獲自由。好多謝大家。希望大家繼續關心我哋,件事仲未完,希望我哋都能吉人天相。」又以英文表示,他也只是尋常人,現在十分疲累。
empty
劉偉聰以英文表示「I'm just a human being」,指自己只是尋常人,現在十分疲累。本報記者攝

林景楠:我真係好愛我家人,我好掛住佢哋

第二位離開法院的楊雪盈說,「好多謝咁多朋友關心」,之後透了一口大氣表示:「其實我真係好攰,我好想快啲返屋企,見吓屋企人,睇吓我啲貓。最後我想講嘅係,希望大家都平安。多謝。」
林景楠第三位離開法院,他稱:「我真係好掛住我太太同兩個囡囡,我真係好攰喇,辛苦晒大家!」之後微微鞠躬後續指:「我真係好愛我家人,我好掛住佢哋,我要返屋企先。」再向鏡頭合十表示感謝。
empty
楊雪盈表示:「我好想快啲返屋企,見吓屋企人,睇吓我啲貓。」本報記者攝
empty
林景楠表示自己真的很掛念家人,又向鏡頭合十表示感謝。本報記者攝

呂智恆:希望大家小心注意安全

最後離開的呂智恆表示:「過去呢一段日子,辛苦晒大家,非常非常多謝大家嘅支持,亦都希望聽日上庭嘅朋友可以得到一個公正嘅判決。願眾人平安,特別係通宵達旦嚟支持、關心嘅市民,希望大家小心注意安全。」
呂智恆養母表示,十分感謝大家支持,「我亦都多謝法官」,「畀我哋下星期一先交保釋金,呢個就係我哋香港嘅美好嘅制度,我哋係有互信!」她指47人被控,「我哋仲有其他朋友未保釋到出嚟,我好希望佢哋同樣能保釋出嚟」,又指政府今次是「釋出善意」,促政府撤控。
empty
呂智恆在其養母陪同下步出法院,他感激市民的支持,並着大家注意安全,又希望其餘原獲保釋的被告,在明日能得到公正審訊。本報記者攝

直播重溫

empty
庭外不少市民特意趕內,又舉起手機燈光表達支持。本報記者攝
empty
本報記者攝
empty
劉偉聰在家人陪同下離開法院,他指:「希望大家繼續關心我哋,件事仲未完,希望我哋都能吉人天相。」又以英文表示,他也只是尋常人,現在十分疲累。直播影片截圖
empty
呂智恆養母表示,十分感謝大家支持,「我亦都多謝法官」,「畀我哋下星期一先交保釋金,呢個就係我哋香港嘅美好嘅制度,我哋係有互信!」直播影片截圖
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁