黃奕近日被爆出疑似出軌，更被前夫話佢係「淫貓」，而成件事最巧合嘅地方就係啱啱上映嘅《竊聽風雲3》，黃奕喺戲入面，就係做方中信嘅老婆，但係就搭上林家楝，真係戲如人生。

今日本報記者就打畀《竊聽3》嘅導演麥兆輝，問佢點睇呢件戲如人生嘅事，麥導演一聽到就即刻笑咗出嚟，之後就話：「我都唔係知佢有呢樣嘢先搵佢做，咁俾人影到同個男人去酒店都未必出軌嘅。」再問到佢覺唔覺得戲如人生，佢就話：「戲如人生，祝佢好運啦。」