何超儀自爆華星年代演出失準險被解約:仲話唱歌冇天份
何超儀走音蛋散千金小姐
何超儀(何超)從1993年以歌手身份加入娛樂圈,雖然她貴為豪門千金,不過這個身份似乎對她的演藝事業未有幫助,反而因為她唱的歌並非一般主流作品,所以多年未有人令人深刻印象,但何超依然繼續堅持行自己的路。最近何超與好友盧巧音齊齊亮相ViuTV音樂訪談節目《歌手‧門》。
何超與Candy先後成為人妻,但這個人妻身份未有影響她們的歌手夢,在節目上,何超唱了多首偶像梅艷芳的歌,提到當年的歌唱事業,因為老闆的一句說話,幾乎令她的心靈受到重創:「有一次我喺一個大活動上面失準,以前我哋冇耳機可以戴,嗰次我聽唔到啲音樂,結果唱錯key,之後新老闆就話:『我哋唔可以容許有一個走音嘅歌手喺華星,我哋嗰啲歌手全部都係喺歌唱比賽拎冠亞季軍,佢哋冇走音o架,不如咁喇,其實我哋都可以滿約』,嗰陣我堅持叫佢俾次機會我。點知佢仲話我唱歌冇乜天份,如果我仲堅持唱歌,應該係成世『咪』嘴。」
直到合約完了,何超直言當時的人生完全沒有希望:「之後我識咗LMF,成日喺佢哋個BAND房hea,有一次佢哋話記得我以前係唱歌,不過我叫佢哋唔好提,以前個老闆都話我冇潛質唱歌,點知佢哋叫我唔使理,仲即場搵我做和音。」與何超合作多年的KB說:「我哋都冇諗過可以合作到咁多年,點會諗到一個千金小姐可以同呢班蛋散夾咁耐Band,原來佢都幾聽大家嘅意見,唔會係一個人話晒事!」
有不少網民留言,有人表示對何超改觀:「以前不嬲唔鍾意佢,但噚晚睇完之後,唱Johnny Depp唔錯喎!成件事改觀晒,片尾彩蛋,一分鐘超市瘋狂任買何超埋單,搞笑!」「幾好呀,係另類小眾一點!」「唔差其實,不過香港啲音樂口味只接受k歌。」甚至還有人說:「反而想知佢當年咁俾華星老闆冷待係邊個時間?Hocc/歐倩怡出道?其實呢兩位都等好多年先出到碟,不過的確係唱得,咁古天樂又點計先?不過算啦,華星自己都唔掂最後都摺埋。」
-----------------------------
-----------------------------