民主黨創黨主席李柱銘認為，泛民一直打的ABC主題，運動應改為CBA，即Choose Best Alternative（選擇最好人選）。

李柱銘認為，梁振英宣佈不角逐連任的時間值得研究，大有可能是因為中央在選委會選舉前「數唔夠票」，他指，因為星期日便是選委會選舉，中央要梁振英今日宣佈，是想拖低泛民投票意欲，擔心民主派「贏得太多」：「好明顯係想投票前作一個決定，我有啲朋友已經講，我哋唔使咁緊投票啦，有啲人係咁諗，因為有啲人投票，最大目標係踢走689，啲人如果覺得689都走，唞咗啖大氣，以為掂咗，唔去投票。」

他指，泛民要繼續搶位，「我哋梗係希望最好嗰個做特首，但你冇票，點樣幫佢贏呢？我哋要繼續去投票，開開心心咁去投票。」被問到誰人是Best alternative（最佳人選），李柱銘說，不想害了對方，故他不會說，又指自己一定會於周日投票。