龐卓欣和沈震軒今午喺荃新天地為ViuTV宣傳世界盃遊戲節目《全民星戰》宣傳，兩人親自示範玩遊戲。

龐卓欣近日開設工作坊教小朋友唱歌，並置業上車，問到佢係咪同男友同居？龐卓欣話：「爸爸媽媽畀首期，我自己供，冇男友份，佢只會間中過嚟住，叫咗佢唔好成日過嚟，驚第時結婚冇咗嗰種蜜月感覺。」港姐雷莊兒透露即將返回加拿大，覺得喺香港浪費了一年時間（新聞連結： https://bit.ly/2HeCYiw ），龐卓欣係同路人，奪得港姐亞軍之後，冇同大台簽約離開發展，佢話：「唔覺係浪費時間，有無綫先畀到我呢個知名度。」佢仲透露稍後會喺網上一個平台賣自己二手衫，作不同發展。

提到就嚟開鑼嘅世界盃，沈震軒話熱捧巴西隊：「朋友成日話我似尼馬，曾經我都整過側分髮型，加上我有啲似中東混血，我都覺得有啲似。」沈震軒雖然唔算太瘋狂睇球賽，但都會留意消息，以前係加拿大時好少睇波，通常都係打籃球。

精選娛聞，喺晒《娛果》
http://fb.com/appledailyent