【動畫●鬼怪七月譚(2)】馬國出trip俾鬼壓 Jeana與鬼隔空對峙大鬧粗口

蘋果日報 2017/09/01 00:01

馬來西亞Jeana何佩瑜俾鬼壓鬼怪七月譚
    一次馬來西亞出trip...一次俾鬼壓恐怖經歷...
    令何佩瑜（Jeana）印象深刻.......
    Jeana至今回想起來猶有餘悸，大約5、6年前，佢接咗一套電影要去馬來西亞拍個多月，要住咁耐，Jeana選擇入住service appartment，諗住唔使開工時，有個廚房煮吓嘢食。當日check in，感覺已好詭異：「當我入到屋，全間屋都冇白燈，得藍燈同綠燈，客廳同房嘅天花板又有攝錄機，我諗極唔明，我先用A4紙黐住鏡頭。」
    Jeana當時都怯怯哋，唔敢熄燈瞓，佢就開住房裏微弱藍燈，半夢半醒之際，怪事就發生，Jeana回帶話：「我感覺好痺，全身郁唔到，大約30秒，之後我都唔知擘大眼定合埋眼，我feel到前面有個影像，床邊有個好兇狠、好惡嘅男人望住我，好似想殺咗我咁。我hold住郁唔到，於是係咁掙扎，約1分幾鐘，我先郁得番，我郁得番時，就撐起成個人，我好嬲。」
    嗰時Jeana立即同影像隔空對峙：「我唔識你，我嚟做嘢，我要瞓覺，你點解要影響我休息？」嗰一刻，Jeana火滾大發脾氣：「我彈起身，用咗英文、普通話同廣東話三國語言鬧佢，咁大馬係用呢三種語言，我發脾氣話咗佢起碼3、4分鐘。我有話你安息啦，你有乜諗唔開都唔好搞我，我都有講啲侮辱嘅說話，有鬧F字頭英文。我鬧時好渲洩情緒，好豁出去同都好惡，嗌咗3、4分鐘都好攰。我諗住攤落枕頭回一回氣，點知瞓落枕頭，我feel到枕頭耳仔邊磈布好似有人搲緊，我即刻彈起身震一震，當時我係清醒狀態，佢都畀一個訊息我，唔知係咪玩我。」Jeana驚魂未定，佢心想可能間屋平日唔多人租用，撞啱佢租用，對方嫌佢突然入住，阻住就發脾氣示威，點知Jeana仲鬧番佢轉頭，所以特別扯火，最後......Jeana覺得都係不宜鬥氣留低，立即執篋漏夜搬酒店。
    髮型：Ritz Lam of Hair Corner
    化妝：Milk Cheng

    更多資訊：
    【鬼怪七月譚(1)】日光日白遇靈異事件 崔碧珈嚇到著背心短褲跑出房
    http://bit.ly/2eseJFs
    empty
    （攝影：陳順禎、攝錄：廖達燊）
    empty
    一次馬來西亞出trip，令何佩瑜（Jeana）印象深刻。
    empty
    Jeana回想起來猶有餘悸。
    empty
    大約5、6年前，Jeana接咗一套電影要去馬來西亞拍個多月，當時佢選擇入住service appartment。
    empty
    empty
    empty
    點知咁就撞正靈異事件。
    empty
    empty