「好多朋友都勸我兩公婆放棄婷婷，話佢會一世連累我哋，但我哋真係從來冇咁諗過，就算今時今日搞到破產呢個田地，我哋都唔會放棄，因為婷婷係我哋嘅女。」瘦得兩頰凹陷的林太，語氣堅定地說。
記者看着婷婷，乖巧地坐在椅子上，擁有一雙大眼睛的她，加上白皙的皮膚，活脫脫是個小美人，任誰都想不到，她竟是一個身患頑疾的女孩。
今年已經八歲的婷婷，不懂說話，不會走路，甚至吞嚥亦有困難，大小二便亦不能自理，就如一個永遠長不大的嬰兒。「婷婷出世到𠵱家都係咁，睇過好多醫生，驗埋DNA都搵唔出原因。」四十四歲的林太歎道。

女兒險闖鬼門關
婷婷的成長過程除了異於常人外，抵抗力亦較一般小朋友差，多年來皆與「藥煲」為伴，年前更試過險闖鬼門關。「嗰次婷婷發燒，俾痰塞住喉嚨唔識吐出嚟，我睇住佢塊面變藍變黑，好彩及時送佢入醫院，先救得番，但嗰次婷婷都住咗成個月醫院。」說起這次經歷，林太臉上猶有餘悸。
為了婷婷，林氏夫婦遍尋名醫，日積月累的龐大醫療開支，加上他們曾經失業過一段日子，導致今天要申請破產。尚育有一名七歲女兒的林太稱：「之前我喺餐廳做收銀，加埋先生做侍應份人工，勉強都維持到，但好唔好彩，九九年餐廳執笠，兩公婆都失業，經濟開始出問題。」
在別無他法下，林氏夫婦今年八月正式向破產管理處申請破產，現正排期上庭，惜這段期間，他們的銀行戶口要被凍結，令夫妻無法支取薪金、綜援及傷殘津貼，生活大受影響。