當年今日
關於我們

【特首夫人洗版】才子齊表態周博賢:狼太「近矣」 周旭明:叉燒點可能再生多舊叉燒?

蘋果日報 2014/07/05 06:00

蘋果周旭明周博賢惡搞圖即時柳俊江梁栢堅特首夫人袁爾明

特首夫人發表嘅「刻毒、冷血、涼薄」言論,成為城中熱話,網民有插爆有嘲諷,更有網民改圖娛賓添!

facebook洗版洗到個個post都睇到,其實都幾煩,好似柳俊江喺fb就話:「拿起電視搖控,本來想睇睇梁太,但看見網上圖片又放下了。一家的事,如果能解決,在家中用愛去解決就行了,何需公開?我好希望呢件事,到今日為止。請689和689太俾空間自己的女兒,唔好再玩曲線宣傳。」

周博賢就用「歷史係會重演」嚟出post表達意見,佢話:「古有董太『洗手、洗手、洗手』,今有狼太『刻毒、冷血、涼薄』;睇嚟......近矣近矣。」

反而前TVB監製周旭明同梁栢堅就大share改圖,周旭明share夠三個post,有埋設計對白。如下:「Mrs689:老公,蔡子強佢誤人子弟呀!Mr689:乖,你老公我禍國殃民,叻得多!」「Mrs689:真係生舊叉燒好過生個衰女!Mr689:但身為一舊叉燒又點可能再生多舊叉燒出嚟呢?」

有網民回應周旭明謂「而家某些香港人好X涼薄!」,周旭明即回:「明顯你冇讀過蔡子强的相關文章,要罵人涼薄也得先做點功課,否則又一如mrs689,明冇?」梁栢堅就笑話特首夫人受訪時嘅動作,十足十似世界盃球隊哥倫比亞入球後嘅跳舞動作!

都係TVB前監製嘅鄧特希呢,就冇share啲圖,只係話:「醫生,請救救他們一家,都有病!大人救不過來就先救救孩子吧!」