城大法律學院加大力度推電子學習，本學年買入約1,000部蘋果iPad，以三至五折售予學生，折扣率視乎學生年級，越低年班折扣越高，有咁筍嘅優惠真係爽過爽購，唔知有冇學生轉售幫補零用錢？
據知所有iPad都係16G嘅Wi-Fi版，正價每部賣3,888元，即一年級學生只需約1,200元便買到。院方話八成學生都有購買，至於新學年會否再推呢個筍購plan，暫時未知。
學院話，買機筆錢，由自資課程盈餘中撥出，令學生得益，唔係外間所傳，獲中資機構送贈iPad。發言人指資助買iPad係推行電子學習一部份，院方安排蘋果人員指導教員點樣利用程式教學，鼓勵多運用。學生冇iPad可透過手提電腦上課。
至於新iPad同讀書有好成績有冇關係，唔知咯。