家旅行社競爭激烈，好似東瀛遊為咗推介佢哋網上訂房，舊年底推出網上訂購一蚊雞住一晚日本酒店，一個上晝就訂爆。東瀛遊執行董事禤國全噚日打畀小妹，見反應熱烈加推「iRoom$1入住日本酒店」，一蚊房名額有100個，入住日本池袋太陽城太子酒店。網上訂房日子今個月18日朝早9時開始，東瀛遊嘅會員可登入東瀛遊網站（ http://www.egltours.com/promotion/iroom_promotion/）

，即可以一蚊預訂一間雙人房（只有一張雙人床，可供兩人入住，不包早餐）。入住日子指定係今年5月12、26或6月2、9日。每人只可預訂一間一蚊房一晚，並要book至少一晚或最多五晚正價房。先到先得。

東瀛遊會員先啱

禤國全教路話，今次一蚊房只適用東瀛遊會員，有興趣嘅非會員最好預早幾日上網登記成會員；今次有四個指定優惠入住日子，會員訂房之前要諗好優先次序，第一優先唔得即刻揀第二優先。
佢補充，交易須以Visa卡網上付款，其他信用卡唔得，「有啲會員用Visa卡付款，但最終交易唔成功。原因係佢哋用嘅信用卡冇網上付款認證。為確保萬無一失，最好用有認證嘅恒生、滙豐、中銀同渣打Visa卡付款。」佢話，公司都驚消費者唔係好熟網上訂房程序，今個月15日會喺網站播放訂房示範短片。
電郵：mailto:[email protected]