【add即時.尚】陳柏宇分享相處之道 婚後繼續放閃恨當爸爸 (2)
add陳柏宇fashFashion
去年升呢人夫,問到今年的計劃,陳柏宇毫不猶豫、一秒說出是「生育大計」,「生小朋友嘅話,我想組織一個四人家庭。」拍照期間,陳柏宇猶如大細路,訪問時更發揮他的搞笑本色令全場哈哈大笑,再問到將來想成為一個怎樣的爸爸時,他說:「我希望係一個寬容爸爸,我同老婆有一點唔似,佢好細膽,我比較輕鬆,唔怕嘗試,怕做錯,對小朋友我都希望抱相同態度,佢想做儘管做,即使見到有挫折,都可以畀佢經歷,因為係成長過程。」
訪問前陳柏宇大呻要一大清早當柴可夫送老婆到機場,但在場人士聽到當然是甜到漏,婚前婚後都愛在Ig無限放閃,陳柏宇分享相處之道,「我哋之間唔需要乜嘢surprise,維繫感情要訣,喺情人同朋友面前,係一樣性格,咁樣最健康。我哋嘅相處方式好舒服,唔使特別搵嘢做,需要計劃太多,就算喺同一間房,各自做唔同嘅事,唔使交談都感到好舒服、自然,咁樣喺最健康。」
與老婆合作搞小生意,為免意見不合,影響大家感情,陳柏宇樂於當助手角色,「當然我唔覺得係犧牲,其實都係『醒扒』,憑經驗避重就輕係好事。一個lead,一個follow,先可以開心工作。」雖然工作上是follower,不過他表明平日生活自己才是leader,笑說這樣才夠公平。
【紋身傳記】
陳柏宇早前應邀擔任I.T希慎旗艦店Tattoo Atelier紋身限定店的開幕嘉賓,受訪時分享了對紋身的看法,「係當下思維嘅一種記錄,最終代表紋身時對事情嘅諗法,可能十年、二十年後會有唔同諗法,就成為一個代表性。」
撰文:陳蔚渝
攝影:周樂恒
造型:Queenie Yu
化妝:Jessica Chan
髮型:Alex So of the Attic
服裝提供:I.T
AMI 條紋外套, 灰色衛衣, 黑色褲, 白色波鞋
Comme des Garcons Shirt白色恤衫
McQ黑色皮外套
Comme des Garcons Shirt
拼貼外套,
AMI白色tee, 黑色褲, 拼色波鞋
Maison Mihara Yasuhiro
條紋針織
婚後陳柏宇經常和老婆在Ig放閃,又有影皆雙出席活動。
陳柏宇早前應邀擔任I.T希慎旗艦店Tattoo Atelier紋身限定店的開幕嘉賓