最近香港又俾禽流感搞到滿城風雨，今年過年又要食貴雞，但係特區政府似乎真係冇乜符。不過，最近八方同馮檢基食飯，阿基竟然話佢有對付禽流感的「秘密武器」！
阿基喺大陸搞環保工業搞到風生水起係人都知，佢話最近想喺美國引入一種類似油漆嘅物質，髹喺雞籠，成本大約一百蚊一平方米，呢種物質可以喺雞籠表面形成一層有「刺」保護層，可以「篤死」喺空氣中嘅禽流感菌，佢重話連炭疽菌都篤得死，八方聽完後打個突，禽流感好似由病毒引起，病毒咁細，有乜理由可以篤得死？阿基就話唔知詳情，一切係聽美國專家講，佢重話遲吓會用私人顧問公司名義約見政府，推薦呢隻油，班美國專家重話肯來香港搵個雞檔或雞場做試驗，八方都想睇吓係咪真係咁神奇。
（圖）我都係聽人講咋！（設計對白）


E-mail：[email protected]