因為反送中運動而引發嘅示威集會，警方對示威人士進行濫暴同濫捕，撕裂咗多年嚟良好嘅警民關係，不過正所謂「曹操都有知心友」，所以警方身邊出現咗一批撐警人士，呢班人成日都聯群結黨去各區警署送暖，個個拎住啲橫額同物資，慰勞呢班「執法者」，當中不乏一啲幕前嘅藝人，好似搞咗幾檔小生意嘅「莊珊」，真係出心出力。

貴為老闆嘅莊珊，為咗表示自己嘅忠貞，積極參與送暖行動已經係小事，佢仲要做埋外賣仔，只要有人去過佢啲舖幫襯，莊珊就會親自落場，幫手帶啲飯菜去慰勞「執法者」，仲要每次都準時兼區區都送，表面上好似好受「執法者」歡迎，但係實際上反映咗人性醜惡嘅一面。

皆因大家只係貪方便，又見莊珊畀晒折扣，慳到錢之餘仲有人跨區送到上門，話晒而家嘅天氣唔係熱到爆，一係就落雨，有人服侍兼唔使自己去買，搞到身水身汗，最緊要嘅係唔使擔心俾人加料，又何樂而不為？

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新