韓國天團BIGBANG早前表示唔會出席韓國各台嘅頒獎禮，當時BIGBANG所屬嘅YG事務所就解釋BIGBANG為咗遵守同粉絲嘅約定，因此要專注新專輯嘅製作，更為咗快啲完成專輯作為粉絲嘅禮物，成員放棄年末休息，不分晝夜咁製作。不過！今日內地方面就傳來消息，指BIGBANG將出席湖南衛視嘅跨年演唱會，令唔少粉絲質疑BIGBANG為搵人仔而唔出席韓國嘅頒獎禮。

今日，內地方面表示：「BIGBANG確定出席湖南衛視跨年演唱會，而演唱會將於下星期四喺中國國家體育館舉行，之後BIGBANG於下月開始喺日本大阪開騷。」有粉絲得知BIGBANG出席內地嘅跨年演唱會後，即提出質疑：「又話要準備專輯？」、「說好的不分晝夜地製作呢？」、「點解唔出席韓國嘅歌謠大戰？」、「為咗搵錢而唔出席自己國家嘅頒獎禮。」等。