【熟女強人】觀眾批評似睇CCTVB兼有亞視除 等傅穎出場成追劇原因

蘋果日報 2020/09/30 18:00

吳千語傅穎何佩瑜沈卓盈胡杏兒ViuTV娛樂曾樂彤陸詩韻吳嘉麗熟女強人娛樂
    ViuTV又有原創劇播出喇——《熟女強人》，而且當中有唔少都係大台嘅舊面孔，幾令人期待㗎。不過，理想與現實，總係有差距，連一直一心支持ViuTV希望減少依賴大台嘅網友觀眾，都不禁話失望。
    empty
    empty
    劇中不乏一些以往只在大台出現的面孔。
    empty
    似睇大台又有亞視除
    觀眾普遍認為呢部劇學埋大台啲膠嘢，靠說話推動情節，由一班女人圍埋一齊你一句我一句講唔停。即係咁，「歡迎光臨會」入面，雖然大家好耐無見，但都唔使逐個逐個介紹自己以前打咩工，而家係咩職業，中間有咩心路歷程咁譖氣吓嘛？

    仲有劇情方面，網民都認為有啲尷尬㗎，例如：「成套戲最尷尬係將啲後生女嘅情節，擺咗落班中女度做，中女就寫返中女嘅劇情啦。」相信就係講緊吳嘉麗同啲小鮮肉嘅感情戲。

    難怪平時支持開ViuTV嘅網民，今次都話頂唔順，甚至好唔畀面咁話：「睇Viu睇到好似睇CCTVB咁都算高技巧，而且唔知點解，睇睇下直頭覺得有浸亞視味。」
    empty
    觀眾認為劇情經常以一班人圍爐吹水帶過，欠缺吸引力。
    empty
    網民認為某些情節看得人感到尷尬。
    傅穎成賣點
    其實都唔係完全無睇頭嘅，起碼呢部戲入面，陸詩韻個角色幾搶眼，鍾意曬命之餘講嘢又夠mean夠嘴賤，認真入型入格。又或者，同某啲網友一樣係傅穎fans，好期待偶像出場囉，佢喺香港咁耐無作品，都值得期待下嘅，可能有驚喜呢！（未似聖母瑪利亞，也不免貪@#$%&心）
    empty
    在港久未有新作的傅穎，成為觀眾心中的追劇原因之一。圖為劇中傅穎與吳千語的吻戲。
    empty
    諸多冗長的對話戲中，陸詩韻算搶眼，因為講嘢夠Mean、把口夠衰。
    ----------------------------

    《噴火30年壹驚艷 性感女星典藏集》特刊現已出版，各大書報攤及便利店有售，每本港幣九十八元正。

    當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。

    了解更多

    ----------------------------

    守住新聞自由 和你撐壹週刊計劃 每月港幣$300起

    按此了解更多

    -----------------------------

    英國移民、升學、就業、買樓生活資訊！

    立即加入「走佬去英國 － BNO 5+1 移民資訊研究所 」