「末日博士」、紐約大學教授魯賓尼（NourielRoubini）最愛放蒲，換女伴快過股市上落。Gawker爆料話，魯賓尼日前於Twitter錯手將私信當公開貼文，令魯賓尼與美女交易員私密對話曝光。

魯賓尼星期二晚貼文，內容話「親愛的Wenjie，噚晚見你好開心。我宜家去芝加哥出差。今晚得閒。知唔知有冇辣妹今晚可以一齊食飯、飲嘢？話我知」不過，上述貼文當晚被魯賓尼刪除搵唔番。

BarStoolSports「人肉搜尋」後，貼文中嘅Wenjie，全名為WenjieSong，畢業於美國賓夕凡尼亞大學，芝加哥一名衍生品交易員，先後擔任原油交易員、天然氣交易員、黃金交易員以及固定收益交易員。