【李華華Online】Neway二少薛嘉麟開口罩廠 料下月投產
蘋果日報 2020/03/20 23:07
諸葛紫岐薛嘉麟口罩
中星集團主席薛嘉麟（左）及太太諸葛紫岐（右）。 資料圖片
呢排有好多香港人睇唔過眼政府繞埋雙手等個天跌啲口罩落黎，索性全世界撲機器，實行自己口罩自己造。截至噚日已經有82間機構入咗紙申請資助，計埋啲唔拎政府錢嘅人，全香港分分鐘出現過百間口罩廠，有份落場嘅包括諸葛紫岐老公、Neway二少薛嘉麟。
由薛嘉麟擔任主席嘅中星集團（055）今晚公佈，響公司粉嶺嘅工廈建立口罩生產線，訂咗2條全自動口罩生產線同原材料，打算下個月開始大量生產口罩。雖然依家先公佈食唔到頭啖湯，睇怕刺激唔到股價，而口罩產量同質素都未知係點，但呢場抗疫之戰睇黎都有排打，多個人生產就多啲人買到口罩，點計都係好事。