容祖兒(Joey)早前以「補位」歌手身份參加《我是歌手4》，周三已出戰，唱出好友李克勤首《月半小夜曲》(新聞連結： http://bit.ly/1PMsBm2 )，今日有報道指，因現場發生技術故障，錄影唔到，由監製洪濤上台解釋，Joey可以重唱一次，成績打入三甲。

對於今次被傳Joey係頂替早前入院嘅張敬軒出賽，經理人霍汶希(Mani)稱唔關軒仔事，湖南衛視一直都想請Joey上去，Joey亦覺得贏輸唔重要，又有好友克勤同佢一齊比賽，可以互相鼓勵。

Joey亦向周刊認自己未入行前，參加過唔少比賽，之但係今次參加《我是歌手4》比賽，仍然覺得好緊張，心情似坐過山車，佢又讚勁敵李玟一上台就好有氣場，而自己盡力做就好。