美國巨肺歌后瑪麗嘉兒（MariahCarey）同澳洲富豪男友JamesPacker真係超級甜蜜，佢哋度完聖誕假後，瑪麗昨日跟咗男友飛去墨爾本，去男友嘅皇冠賭場，準備喺除夕表演。瑪麗同男友抵達酒店後，男友相當有風度，特別為瑪麗開車門，又扶佢落車。

瑪麗着咗條低胸性感裙，一落車就同男友嚟個咀嘴。之後就拖實行入酒店，仲喺巨型聖誕樹前留影。James全程都情深地望住瑪麗。