45歲嘅蘇格蘭男星伊雲麥葵格（EwanMcGregor）嚟緊會好忙，因為佢要拍《迷幻列車2》（Trainspotting2）之外，佢仲要拍劇！奪獎無數嘅美劇《Fargo》第三季會由伊雲麥葵格做男主角！

呢一次係伊雲首次擔正做劇集男主角，佢會一人分飾兩角，扮演外表同性格都好唔似嘅兄弟。大佬Emmit係白手興家嘅地產大王，有錢又靚仔，係人生贏家。不過細佬Ray就相後，禿頭、有大肚腩，職業平凡，佢將自己嘅不幸賴晒俾哥哥。相當好考伊雲嘅演技，有機會衝擊艾美獎！