韓國綜藝節目《Running Man》前成員Gary於今年4月自爆結婚，不過佢就一直低調。而噚日佢突然現身香港機場並被捕獲，佢亦大方與空姐們合照，原來Gary係經香港飛去馬來西亞檳城開騷，同場仲有少女時代前成員Jessica。

據知音樂騷於今晚喺當地舉行，而Gary及Jessica率先喺晏畫現身商場活動，吸引大批粉絲到場支持。不過Gary及Jessica一早就忙過不停，出席商場活動前先接受媒體訪問，及後兩人亦親民與工作人員合照。今早喺酒店被影到食早餐嘅Gary一改輕便Look，換上白色恤衫又Gel頭，以型仔Look示人。