老牌足球遊戲《實況足球》（Winning Eleven）系列相信陪伴過唔少球迷成長，不過遊戲嘅開發商嘅中國代理網易就竟然為咗阿仙奴中場奧斯爾近日支持維吾爾族人嘅言論，將奧斯爾從中國版《實況》遊戲之中「下架」，惹起唔少球迷同Game迷不滿。

奧斯爾近日喺社交網站公開批評中國政府對維吾爾族人嘅政策，惹嚟唔少國內小粉紅球迷批評，就連外交部都對呢位德國中場嘅言論開聲指責。網易有見及此，日前就發表聲明批評奧斯爾，並且將佢從遊戲之中「Delete」。

網易嘅聲明表示，奧斯爾嘅「涉華極端言論」傷害中國球迷嘅感情，而且違背咗愛與和平嘅體育精神，網易對此表示「不理解、不接受、不願諒」，並從即日開始唔會再喺國服版三款《實況足球》遊戲生產任何奧斯爾嘅角色同卡牌。

事件傳到日本之後，不少網民都對網易嘅做法感到愕然，亦有網民質問「Konami（遊戲開發商）不是日本企業嗎？」，雖然Konami多年前因為封殺知名遊戲製作人小島秀夫而遭Game迷抵制，不過都有理性嘅網民表示，《實況足球》嘅中國版已經賣咗俾網易，Konami可以做嘅事其實唔多，而且在商言商Konami亦唔會得罪中國球迷，不過今次奧斯爾慘遭「下架」，相信唔少球迷都會繼續入Konami數喇。
--------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports