Coffee林芊妤早前就被影到同一男子約會，今日佢出席活動嘅時候，就自爆發展唔成功：「發展中都可以失敗嘅，因為佢講金融野比較悶，而我就鍾意啲有幽默感同man既男人，所以依家交朋友都要好小心。」

問到Coffee係唔係連去廁所都要份外小心？Coffee好幽默咁話：「係呀!依家我去廁所都會好謹慎，尤其入IFC都會有陰影，不過ok啦！邊到跌咪邊到起返身。依家周圍都咁多人，我去親廁所都會先望一望，睇下有冇人跟0架!」

另外，趙頌如同周永恆嘅官司訴訟會喺今日月30號宣判，佢透露這段時間仲有同周永恆的父母聯絡，主要係想探孫。