見到啲相之後,就梗係即刻打電話問朋友,問佢呢啲相係點得返嚟,佢竟然好得戚咁同我講:「有日揸車經過舊機場,同車朋友突然話做咩後面無啦啦有部警車跟尾,正當連我都以為自己犯咗咩事嗰陣,點知由後鏡望過去,先發覺部警車原來試緊車,佢爬咗我頭之後先發覺部車原來係新款VolkswagenPassatVariant旅行車,如此難得機會,就梗係跟佢尾兼叫朋友拎部相機出嚟影番幾張相。不過部車車尾無貼係咩Model,但睇尾喉布局就應該係2.0Turbo啦!算有你心啦……(下刪100字)」哈哈,呢位朋友唔單止話畀我聽一班警察有新車揸之外,仲話埋畀大家聽日後喺條街見到PassatVariant旅行車嗰陣,就要小心小心啦!
記者:鄭達基