何紫綸（Ann）今日喺尖沙嘴出席一個美容品牌產品發布會，講到佢本月初同拍拖2年GaryLam結婚，Ann表示依家被稱呼做林太有啲唔習慣，佢話：「結咗婚之後，叫我老婆，呢個變化幾得意，但我仲係叫佢全名。」

覺得叫老公好肉麻？Ann笑住話：「未轉到口，佢都有問我點解唔叫佢做老公。」提到聖誕節，Ann表示會同老公去餐廳慶祝過二人世界，佢話：「因為上年除夕佢向我求婚，今年除夕係求婚一周年，所以都有啲安排。」Ann透露仲會送老公一份電子產品。