雷神莫雷拉這兩期停賽，不少波士蔡約翰的惡馬，改為給「擦鞋潘」潘頓出擊，雷神當然有損失。

嚟緊周三（27日）快活谷夜馬，雷神將刑滿復出，唔珍惜搏殺機會就假。事關雷神復出只會騎兩個賽日，之後3月6日開始，又要展開他最近3次被罰中的第二個刑期。

雷神周三晚重披戰衣，當然主力為蔡約翰的賽駒操刀，其中又以列陣三班1200米的「話得事」最具份量。

此駒前仗贏同程打開在港勝門，展現凌厲後勁，遲熟馬明顯進步。上仗田草1200米雖然搏失只得季軍，但只輸短頭位，純粹欠運，今仗跑番本身上名率特高之谷草1200米，隨時收復失地。

至於外線馬方面，雷神睇中了出戰四班1800米、蘇偉賢馬房的「乘勝追擊」，他疑似踢走此駒上仗騎師蘇兆輝，從而取得帥印。

「乘勝追擊」雖只係四班馬，但演出極度忠心，已跨季10仗得2冠2亞4季2殿，全入前四名。

上仗田草2000米配蘇兆輝姍姍來遲，僅僅最後一步追唔到「蒜頭爺爺」屈居亞軍，不知是否因此之故，令蘇兆輝今次被飛，雷神陣上走位好少太被動，由他接手「乘勝追擊」，肯定唔會出現追唔切之鏡頭。

-----------------------------------------
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI