早前譚玉梅曾稱遭林青霞橫刀奪DonnaKaran高跟鞋，林青霞前晚出席一個展覽時，以大笑回應與譚玉梅的「橫刀奪鞋」事件，更暗示對方藉故博宣傳。譚玉梅昨日則透過電話回應，指青霞已是過去式，更罵她白癡！

著名旅美雕塑家費明杰的雕塑裝置藝術近作《隱籽花園》，在特首胞妹董建平旗下畫廊展開為期一個月的展覽，費明杰更專程由紐約來港主持開幕酒會，城中藝術愛好者如李嘉誠紅顏知己周凱旋及張國榮等均紛紛到場，而收身成功的林青霞更以一身Fendi亮相。

青霞大笑三聲
早前有指青霞與友人在中環DonnaKaran店橫刀奪愛，買下趙世光緋聞女友譚玉梅看中的紅色皮鞋。林青霞聞言即時大笑三聲：「哈！哈！哈！你唔覺得好笑咩？你哋睇番報紙，你哋識字，我隻腳係着六號，你畀對七號、八號鞋我，點着呀？都唔關我事。」至於無端被捲入是非，可會感到有人博宣傳？青霞說：「呢個世界好多呢啲人㗎啦！嬲？有乜好嬲啫！」
記者其後致電譚玉梅，譚玉梅指DonnaKaran中環店經理早前已致電給她道歉，亦解釋情況，指買了該對鞋的應是與林青霞同行的「陳太」，而「陳太」閱報了解後，已退回該對皮鞋。譚玉梅說：「唔使畀番我，我亦唔會買，最初我係諗住買畀我Auntie，我根本由始至終都係唔滿意個sales啲態度咁惡劣。」

「佢已係過去式」
提到林青霞暗示譚玉梅有意博宣傳，譚玉梅即時氣憤說：「我點解要博宣傳？攞幾百蚊嘢嚟做宣傳？我買嘢已經夠晒勞氣，重邊得閒理佢呀！佢已經係過去式啦，我都唔識佢，唔使攞佢去做宣傳！白癡㗎？」
而引起爭奪風波的DonnaKaran鞋，乃一對三吋高、棗紅色的尖頭高跟鞋，大減價期間只售五百元。