歌手「唔啱音」呢排真係黑過墨斗，佢嘅聲底麻麻大家一早都知，仲成日俾網友寸佢，呢排仲俾傳媒啄住佢嘅歌藝嚟踩，頒獎禮成績表又輸畀同公司嘅「咖喱」成條街，情緒自然係好低落。最慘係佢越俾人踩佢就越緊張，樂壇派最後一張成績表嗰時，佢出嚟唱現場，差啲想喊咁滯，關仁見到都戥佢可憐。佢成日覺得傳媒寫佢係因為唔鍾意佢，其實只要佢肯發憤改善啲唱功，聽眾嘅眼睛係雪亮嘅，想當年大笑姑婆都成日俾人話佢走音，終於佢的起心肝學唱歌，上年大笑姑婆出嚟開演唱會，即時聽到佢唱功有進步，𠵱家自然冇人彈佢唱得差，有個咁嘅先例，啱音應該參考吓啦！
Textby關仁