練馬師麥菲文（外號麥記）今季來港開倉，暫時表現不似預期，只勝出五場頭馬暫居成績表尾二。

昨晚（20日）麥廐無馬贏，周末（23日）排陣卻相當有睇頭，整日共出馬半打，廐主大有機會贏馬甚至起孖或中三元，自製個人首個在港快樂聖誕。

季內麥記出馬似足今期那樣大堆頭，暫時只有11月11日沙田日賽。當時麥廐出六駒，其中「飛霸龍」一出即勝，廐主贏馬兼贏面子。

今次練者照辦煮碗，再由兩戰不敗的第3場「飛霸龍」扯頭纜，配合轉廐後季內曾勝的灰馬第8場「銀豐神駒」，以及上次初出跑第五、走勢不俗的第2場「幸運骰」，麥記說不定可以來個三元及第，從而揭開在港從練新一頁。