【本報訊】吸毒禍害深遠,少年迷途知返。阿進(化名)五年前讀初中時首次接觸毒品,「嗰時死愛面子,同班壞同學一齊索K,後來鍾意咗嗰種好放鬆、唔會諗起煩惱嘅感覺」。他曾入住戒毒中心兩年,但後來「忍唔住」又再吸毒,「嗰陣時覺得電視講尿頻係誇張手法,點會輪到自己?」
僥倖心態令阿進毒癮加深,由最初每月花300元吸毒,到高峯時花近4,000元,「K仔、大麻、可卡因都有食,幾個月之前開始有血尿同尿頻,試過搭巴士忍唔住,要落車搵後巷解決,之後再上返車,夜晚又會紮醒幾次去廁所」。
阿進經社工轉介到中心接受診治,發現膀胱「大縮水」,功能只有正常人的三分一,檢查結果令他感到好驚,故決心戒毒及接受治療。最近他接受檢查,發現膀胱功能已復原至正常人的八成。