顧定軒不忿被電影框框限死 一心攞苦嚟辛練全能成就
蘋果日報 2020/12/11 06:00
顧定軒全民造星麥路人男排女將內定冠軍
現年26歲的顧定軒（Zeno），入娛樂圈8年，是影圈炙手可熱的新晉演員，早前夥拍郭富城演出電影《麥路人》，近年在TVB、ViuTV及港台皆有不少電視劇演出機會，上位中途，Zeno卻毅然參與ViuTV真人騷《全民造星III》。
Zeno想用音樂讓觀眾看到其演戲以外的另一面，網民卻質疑ViuTV造星，與同台劇集《男排女將》谷人氣。不過《造星III》播出後，監製「花姐」黃慧君在面試中批評Zeno作為演員轉做歌手表現不在行，只變成站着唱歌的普通男孩，將他批評得體無完膚，Zeno直言參賽就是要尋求花姐這樣的真心批評及新衝擊。顧定軒的性格與外表相若，都是斯文、內向、慢熱的男孩，日前他抽空與《蘋果》行山做運動，尋求思考空間。Zeno說：「我本身慢熱文靜，讀書時比較內向，初中時喺班裏面係隱形，較少朋友；到高中認識一班儍儍地嘅朋友，啟發咗自己鍾意表演，發現藝術方面可以打開自己，入行後開朗咗。」
拍戲少聽到正面批評
電影是Zeno的起步點，他在演戲中吸取養份，又將電視劇當成訓練自己的舞台，拍TVB劇《那些我愛過的人》令他有一番體會，Zeno說：「每個角色我都好認真對待，自己係新人可以擁有這些機會，唔理角色是重是輕都會認真去對待，拍TVB劇令到我屋企人睇時好入心，我嫲嫲睇完齣劇第一集就打畀我，叫我劇中角色名『豬炳』，我冇試過拍一個角色令屋企人睇得咁開心，我個心好安慰。」決意永不放棄電影發展的顧定軒表示，渴望有機會與陳可辛、張艾嘉及許鞍華等出色導演合作，拍攝細膩的電影故事。對於未來發展，顧定軒希望發掘更多自己的可能性，所以今次參加真人騷節目，想多點歷練、更加成熟，他說：「想試不同範疇，例如音樂、舞台劇，唔想規限自己，想做一個全方位表演者。」
Zeno以前覺得自己聲線唔好但喜歡唱歌，他嘗試跟歌唱老師學習，並遇上《造星III》，他說：「決定要參加之後，即刻上堂惡補，不停練習。自己一個人站台時，感覺很陌生，始終片場與舞台環境好唔同。在舞台上需要各方面能力先可以發光，自己一開始心態預咗俾人鬧，因為入行後好少聽到正面嘅批評，導演可能同你講點樣可以演好啲，但真正批評確實唔算多。我參賽係想得到真心批評，得到中肯嘅意見，再行自己嘅路去改善自己，壓力係好大。」
對於會否擔心被肆意批評而影響努力建立的形象，顧定軒說：「一開始會擔心，大家覺得我本身係一個演員，點解要去做自己唔擅長嘅表演，顯露自己缺點出嚟？人哋會覺得好儍，點解要咁做？對我嚟講作為表演者，其實唔使計較人哋點睇，將自己重新歸零再去學習，將自己想表達嘅藝術帶畀觀眾。」Zeno以自彈自唱孫燕姿的《遇見》作為《造星III》首戰，其表現獲郭偉亮（Eric）注意：「我覺得佢做歌手都有機會，佢把聲幾特別。」
傳內定冠軍 「係就唔使咁辛苦」
網民質疑顧定軒作為演員，仍貿然參賽《造星III》，勢必是內定冠軍，Zeno對此回應：「如果係造馬我就唔使咁辛苦，每日得番1、2個鐘都冇得瞓。我覺得要做好自己，呢個係一個過程，觀眾唔知你背後付出幾多，殘酷地佢哋只會睇到你嘅表現。」對於參加《造星III》有否為自己定下目標，顧定軒說：「初時目標入到10強，但開始之後覺得好遙遠，始終入面好多參賽者都好有天份、有年資好耐，自己好渺小，遇到呢班好有火、好堅持嘅人，更加鼓勵自己唔可以怠慢，要努力，雖然冇之前嘅信心，但更加想行遠啲。」
採訪：張明
攝影：陳慧安
攝錄：葉君海
攝影：陳慧安
攝錄：葉君海
顧定軒外表斯文，性格表裡如一般慢熱，他說初中時在班中是隱形人。
到高中發現藝術可以打開自己，入行後亦較以前開朗。
一步一腳印，Zeno在TVB、ViuTV及港台都有拍劇，亦參與過多套港產片。
最近參加《全民造星III》，他想嘗試更多表演範疇，不想被戲劇規限自己。
唱歌不是強項，但他認為不需計較他人睇法，想從新歸零再去學習。
《造星III》監製花姐出名惡，Zeno坦言參加是希望有正面批評。（節目截圖）
Zeno目前闖進30強，但日前網上流傳的十強名單就榜上無名。（節目截圖）
顧定軒演出機會比所有對手都多，曾在港台節目《星星的孩子》中演自閉症青年，不過他說最入屋一次是演TVB劇。（《星星的孩子》截圖）
在《麥路人》與郭富城有少對手戲，獲城城肯定演技。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！