在「電飯煲收集日」,部份善長更專程從老遠送來全新購買的電飯煲,是日共收集了約一百個電飯煲,現正安排陸續送給長者。
專程抽空買電飯煲
「我響粉嶺開工,啱啱收工就趕住返屋企拎個電飯煲嚟,睇報紙見到有呢個活動,覺得好有意義,因為以前自己屋企都好窮,試過冇錢買電器,𠵱家可以幫到佢哋解決基本需要,又唔使浪費啲物品。」六十九歲獨居的鄭伯認真地說。家住港島區的鄭伯,任職倉務文員,以往亦有捐贈衣物予社會服務機構。
「我哋知道有呢個活動,專程抽時間買咗四個新電飯煲,希望可以幫到生活貧困嘅長者,呢啲咁有意義嘅事情係應該去做。」楊女士娓娓道來。
家住青衣的楊女士,乃家庭主婦,當日相約了住在沙田區的友人廖先生一起前往就近的電器商舖,購買電飯煲後再送到收集地點。
當日合共收到約一百個電飯煲,近六成是全新的,其餘則是善長送來的二手電飯煲,部份更是多用途電飯煲,適合用來煮飯及煲粥。