遭立法會專責委員會調查的特首梁振英，被揭私下要求委員會副主席、民建聯立法會議員周浩鼎，修改調查範圍，但梁特不但反斥泛民議員洩密，更連日撰文及在以特首身份出現的場合，例如行政會議前發言抨擊泛民委員梁繼昌，被批評企圖轉移視線。新民黨葉劉淑儀認為，特首梁振英連日針對公專聯梁繼昌的做法並不恰當，她直言梁振英「每日都係咁對梁議員施咁大壓力，我覺得唔恰當」，又指梁繼昌應否退出由立法會自行決定，而立法會亦無權要求梁繼昌退出，重申「以行政長官咁高嘅地位，佢每日都針對一位議員，我認為係唔恰當」。

她續指，有市民亦向她反映梁振英的做法有問題，「呢個UGL係佢（梁振英）個人嘅問題，不過我聽好多巿民意見都係話，以特首嘅地位同埋佢有咁多咁重要嘅管治工作，佢花咁多時間去批評一位議員呢，係唔恰當」。再者，她相信若梁繼昌有偏見，委員會內其他委員都會知道，社會亦會發現和批評，而梁振英有意見可向委員會提出。她強調UGL事件屬梁振英個人問題，「有的士司機同我講，香港咁多問題，行政長官點解得閒日日鬧一位議員呢？」她又批評梁利用政府的資源，就其個人糾紛不斷針對一位議員並不恰當。

至於民主派擬向梁振英提出的彈劾議案，葉劉形容彈劾是非常嚴重的事，「根本時間上係做唔到，我亦都覺得唔應該係就呢件事對行政長官作出彈劾」。