當年今日
關於我們

鄧萃雯僭建圓臀

蘋果日報 2002/01/04 00:00


由薛家燕、鍾景輝、吳啟華、楊思琦、鄧萃雯等主演之無綫單元劇《LovingYou我愛你Ⅱ》昨日在電視城試造型,鄧萃雯以其中一個冶豔造型亮相,穿起熱褲加上低胸裝,性感誘人,但她自言這突出身形是「僭建」得來的。
鄧萃雯笑說:「我墊咗好多棉喺褲度先令到臀部咁圓,因為先天唔夠靚咪由後天補救囉!」

惹來同志垂涎
而吳啟華在戲內則飾演同志髮型師,昨日他特別以一頭長髮及戴上耳環造型亮相,吳啟華自言其魅力曾經吸引同志,他說:「佢哋都會撩我㗎,不過知我唔係咪冇嘢囉,我都有去過基吧見識吓嘅!」而家燕姐則表示今次有幸與鍾景輝合作,感到十分開心。
此外,陳秀茹昨日在電視城出席「一月星辰」活動,談到生日願望,她說:「我希望香港經濟喺新一年更加好,早排屋企窗台有雀仔築巢,為我帶嚟好運,遲啲會買盆栽,方便雀仔再嚟築巢。」