咁邊個係青年事務委員會主席接棒人選?政界早前熱傳現為青委會成員嘅霍啟剛係大熱,但八方向政府相關知情人士了解過,覺得今年踏入36歲嘅霍啟剛,雖然有熱誠,但都係太幼嫩,可能要再磨多一陣先升呢。但估唔到呢個消息,卻令霍啟剛躺着也中箭。
有政府中人同八方講,自從霍啟剛接任青年事務委員會主席消息傳出後,唔知點解好多人都同政府講,話搵霍啟剛唔掂㗎,佢係富二代好離地㗎,未必適合啦等等,個個都叫政府唔好搵佢,係咪唔抵得霍啟剛少年得志?八方當然唔知,只知有關言論反而令有啲政府官員都為霍啟剛抱不平,覺得佢都算係盡責嘅委員,咁樣中箭好可憐;有人就質疑,莫非係另有青委會委員想做,因此猛放暗箭?