近日多名韓國藝人嘅父母涉嫌詐騙或欠債，當中包括韓流天王Rain、男歌手Microdot、女團MAMAMOO成員輝人等，而韓劇《當你沉睡時》35歲男星李相燁嘅父親今日亦被爆涉詐騙、貪污1億韓圜(約70萬港元)而被起訴。

對於父親被起訴一事，李相燁透過所屬事務所發聲明澄清事件：「首先，對於李相燁捲入近日社會話題嘅事件，深表遺憾及歉意。李相燁嘅父親係工程師出身，長期以來一直從事建築行業，喺今次事件中，李相燁嘅父親因建設工地食堂營運合約相關嘅投資問題發生糾紛，近日被起訴，但就該事件而言，李相燁嘅父親都被利用，個人損失咗約3.2億韓圜(約225萬港元)，目前已經起訴咗造成損失嘅當事人。」

聲明中續指：「李相燁父親嘅商業糾紛與欠債未還完全係兩回事，而李相燁父親對於被起訴亦感到好冤枉。李相燁係事後先知道呢件事，但其父表示要自己去處理，並禁止子女介入，目前李相燁父親亦全力處理今次嘅糾紛。」

精選韓流，喺晒《娛果》
http://fb.com/appledailyent